Inici » Notícies » Societat

El programa de TV3 'Divendres', a Vielha e Mijaran

Nota de l'Ajuntament de Vielha e Mijaran

Un equip de 30 persones se plaçaràn en Vielha entà poder premanir eth programa Divendres de TV3, presentat per Xavi Coral e Espartac Peran e que se retransmeterà eth pròplèu 9 d'abriu.

Des deth deluns dia 5 enquiath dijaus dia 8 era Plaça dera Glèisa ath dauant der Ajuntament, acuelherà un camion platò, de 10,68 m de long e 4 de nautada, ua unitat mobila e desparièrs veïculs entà poder hèr era retransmission via satellit.

Eth programa Divendres de TV3 harà connexions en dirècte pendent totes es tardes entre es 16,30 e es 18,30 ores. Se parlarà d'ahèrs fòrça desparièrs e haràn entrevistes autant a persones deth mon dera cultura coma deth pòble aranés. Eth copresentador deth programa, Espartac Peran, harà es connexions en dirècte en tot da pas as entrevistes e as actuacions.

Er Ajuntament a collaborat activament damb es equips de produccion e contienguts de TV3 entà facilitar-les era realizacion deth programa. Atau madeish, es servicis municipaus senhalizaràn degudament tota era zòna e
haràn es desviacions de transit que siguen de besonh. Entà poder  premanir es connexions pendent aguesta setmana se limitarà er accés ara Plaça Còto Março, damb pas restringit entàs vesins dera zòna. Television de Catalunya a convidat a toti es vesins que volguen participar en dirècte en programa des dera Plaça dera Glèisa de Vielha.

30 de març del 2010 a les 14:53. Societat

Altres notícies recents

Veure l'arxiu de notícies

Altres notícies de la categoria Societat

Veure més entrades de la categoria Societat

amunt